Тошкентда «Spark» бутунлай ёниб кетди
Фото: Тошкент шаҳар ФВБ
Тошкент шаҳри Сергели туманида «Spark» русумли автомобиль ёниб кетди. Бу ҳақда пойтахт Фавқулодда вазиятлар бошқармаси хабар берди.
Маълум қилинишича, бугун, 25 июнь куни соат 09:34 да Сергели тумани Порлоқ кўчасида «Spark» русумли автомобиль ёнаётганлиги тўғрисида шаҳар ФВБга хабар тушган.
Шунга кўра, ёнғин-қутқарув экипажлари соат 09:42 да айтилган манзилга етиб бориб, 3 дақиқада алангани бартараф қилган.
Қайд этилишича, манзилда «Spark» автомобили тўлиқ ёниб зарарлангани ҳамда унинг ёнида турган «Cobalt» русумли машинанинг ён томони кузов қисми ёниб зарарлангани аниқланган.
Ёнғин оқибатида жабрланганлар йўқ. Ҳозирда ёнғиннинг келиб чиқиш сабаби ва келтирилган моддий зарар миқдори аниқланмоқда.
Тавсия этамиз
Кўп ўқилганлар
- Ўзбекистондаги Ислом цивилизацияси марказига кириш нархлари эълон қилинди
- Яқин Шарқдаги кескинликнинг нархи: АҚШ, Исроил ҳамда Эрон уруш учун қанча сарфлаяпти?
- “Барселона” қийин ғалабани қўлга киритди
- Аёллар Осиё чемпионати мусобақасининг 3-тур ўйинлари давом эттирилди
- Трамп Эрондаги ҳарбий операция «деярли якунланганини» маълум қилди
- Бугун Эронга жуда қаттиқ зарба берилиши мумкин – Трамп
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг