Тошкент вилоятида Марказий Осиёда илк бор “капсула” усулидаги гидроагрегатлар ўрнатилган ГЭС ишга тушиши кутилмоқда

15:14 18 Август 2021 Иқтисодиёт
772 0

Тошкент вилояти Чирчиқ шаҳрида Чирчиқ-Бўзсув трактида жойлашган янги “Камолот” ГЭС Мустақиллигимизнинг 30 йиллиги арафасида фойдаланишга топширилиши режалаштирилган. Бу ҳақда “Ўзбекгидроэнерго” АЖ томонидан “Камолот” ГЭСига ташкил этилган пресс-турда маълум қилинди, дея хабар бермоқда “Халқ сўзи” мухбири.

Ушбу ГЭСнинг умумий қиймати 22,6 млн доллар, қуввати 8.6 МВт ни ташкил этади.

Мазкур ГЭСда илк бор тажриба сифатида “капсула” усулидаги гидроагрегатлар ўрнатилади.

— Мазкур ГЭС Германиянинг “Андридз гидро” компанияси томонидан ишлаб чиқарилган “Капсула” усулида ишлайдиган техника-технологялар келтирилган, дейди “Ўзбекгидроэнергоқурилиш” АЖ директори Саид Юсупов. Бунда гидроагрегатлар сувнинг оқими бўйлаб горизонтал жойлашган бўлади ва 50 йил давомида қарийб таъмирлаш ишларига ҳожат қолмайди. Бу усулдаги гидроагрегат нафақат Ўзбекистонда, балки Марказий Осиёда илк бора қўлланилмоқда.

Мазкур ГЭСнинг қурилиш ишлари “Ўзбекгидроэнерго” АЖ тизим ташкилоти “Ўзбекгидроэнергоқурилиш” компанияси томонидан, лойиҳа ишлари “Гидропроект” АЖлар томонидан амалга оширилмоқда.

Ҳозирда ГЭСнинг асосий қурилиш ишлари якунига етган бўлиб, охирги монтаж-созлаш ишлари амалга оширилмоқда.

ГЭС нинг афзалликларидан бири автоматик, ақлли, хавфсиз бошқарув тизимига эга.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?