Toshkent viloyati Chirchiq shahrida Chirchiq-Boʻzsuv traktida joylashgan yangi “Kamolot” GES Mustaqilligimizning 30 yilligi arafasida foydalanishga topshirilishi rejalashtirilgan. Bu haqda “Oʻzbekgidroenergo” AJ tomonidan “Kamolot” GESiga tashkil etilgan press-turda maʼlum qilindi, deya xabar bermoqda “Xalq soʻzi” muxbiri.

Ushbu GESning umumiy qiymati 22,6 mln dollar, quvvati 8.6 MVt ni tashkil etadi.

Mazkur GESda ilk bor tajriba sifatida “kapsula” usulidagi gidroagregatlar oʻrnatiladi.

— Mazkur GES Germaniyaning “Andridz gidro” kompaniyasi tomonidan ishlab chiqarilgan “Kapsula” usulida ishlaydigan texnika-texnologyalar keltirilgan, deydi “Oʻzbekgidroenergoqurilish” AJ direktori Said Yusupov. Bunda gidroagregatlar suvning oqimi boʻylab gorizontal joylashgan boʻladi va 50 yil davomida qariyb taʼmirlash ishlariga hojat qolmaydi. Bu usuldagi gidroagregat nafaqat Oʻzbekistonda, balki Markaziy Osiyoda ilk bora qoʻllanilmoqda.

Mazkur GESning qurilish ishlari “Oʻzbekgidroenergo” AJ tizim tashkiloti “Oʻzbekgidroenergoqurilish” kompaniyasi tomonidan, loyiha ishlari “Gidroproyekt” AJlar tomonidan amalga oshirilmoqda.

Hozirda GESning asosiy qurilish ishlari yakuniga yetgan boʻlib, oxirgi montaj-sozlash ishlari amalga oshirilmoqda.

GES ning afzalliklaridan biri avtomatik, aqlli, xavfsiz boshqaruv tizimiga ega.