«Толибон» Ўзбекистонга электр энергияси бўйича барча қарзларни тўлашга ваъда берди

23:38 24 Октябр 2021 Сиёсат
773 0

Иллюстратив фото

«Толибон» томонидан тузилган Афғонистон муваққат ҳукумати Ўзбекистонга электр энергиясидан қарзни тўлиқ тўлайди. Бу ҳақда Ўзбекистон бош вазири ўринбосари, инвестициялар ва ташқи савдо вазири Сардор Умурзоқов маълум қилди.

«Биз Афғонистон муваққат ҳукумати вакиллари билан музокара ўтказдик. Улар орасида энергетика соҳаси учун масъул ҳам бор эди. Мулоқотда айрим рақамлар тўғрисида ҳам келишиб олинди. Афғонистон электр тармоқлари компанияси барча қарзларни тўлайди. Ҳозир бу мамлакатда банк тизими ишлаши билан боғлиқ муаммолар кузатилмоқда. Лекин, шунга қарамай, биз электр энергияси узатишда давом этамиз», дейди С. Умурзоқов.

Бош вазир ўринбосарининг айтишича, расмий Тошкент Кобулга электр еказиб беришни ҳозиргача бир соат ҳам тўхтатмаган. Бундан кейин ҳам Афғонистон Ўзбекистондан электр энергиясини олишда давом этади. Бу қарорнинг асосий сабаби қардош афғон халқига қийин пайтда ёрдам бериш истагидир.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?