Шавкат Мирзиёев Туркий давлатлар ташкилоти Оқсоқоллар кенгаши раисини қабул қилди

Фото: Президенти матбуот хизмати
Ўзбекистон Республикаси Президенти Шавкат Мирзиёев 18 февраль куни Кувайтдан Тошкентга қайтгач, шаҳарсозлик соҳасидаги халқаро тадбирларда иштирок этиш учун мамлакатимизга келган Туркий давлатлар ташкилоти Оқсоқоллар кенгаши раиси, таниқли сиёсатчи, Туркия Республикасининг собиқ Бош вазири Бинали Йилдиримни қабул қилди.
Учрашув аввалида юқори мартабали меҳмон давлатимиз раҳбарига Туркия Президенти Режеп Таййип Эрдоғаннинг саломи ва энг эзгу тилакларини етказди.
Кўп қиррали ҳамкорликни мувофиқлаштириш ва илгари суришда Оқсоқоллар кенгашининг роли ва фаол иштироки ортиб бораётганини ҳисобга олиб, ташкилот доирасидаги кўп қиррали ҳамкорликни янада кенгайтириш масалалари кўриб чиқилди.
Туркий давлатлар ташкилоти саммитлари якунида қабул қилинган дастур ва ташаббусларни амалга ошириш мақсадида амалий шерикликни кенгайтириш ва алоқаларни фаоллаштириш муҳим экани таъкидланди.
ТДТ доирасидаги бўлажак тадбирларга тайёргарлик кўриш ва уларни ўтказиш масалалари кўриб чиқилди.
Таъкидлаш жоизки, Оқсоқоллар кенгаши Туркий давлатлар ташкилоти ҳузуридаги доимий маслаҳат органи ҳисобланади.
Туркий дунё шаҳарсозлик конгресси 2002 йилда Анқара шаҳрида ташкил этилган Муҳандис ва меъморлар уюшмаси томонидан ўтказилади. Уюшма фаолиятида Самарқанд ва Навоий шаҳарлари ҳокимликлари фаол иштирок этмоқда.
Тавсия этамиз
Кўп ўқилганлар
- Айрим оилаларга бир марталик моддий ёрдам берилади
- Ўзбекистонда доимий аҳоли сони ҳар куни неча кишига ошяпти?
- Шаҳрам Ғиёсов тажрибали рақибини муддатдан олдин мағлуб этди
- Самарқанд яна бир нуфузли форумга мезбонлик қилади
- Марказий банк шошилинч огоҳлантириш билан чиқди
- «Leapmotor» Ўзбекистонда ўтказилган автомобиль тести натижаларидан норозилигини билдирди
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг