Уларни тақдирлаш маросими ёшлар ойлиги доирасидаги «Ёшлар ва спорт» фестивали чоғида ташкил этилди. «Афсоналар водийси» тематик паркида бўлиб ўтаётан ушбу анжуман бугун минглаб йигит-қизларни бирлаштирган. Унда «Токио-2020» олимпиа ва параолимпия ўйинларида иштирок этиш ҳуқуқини қўлга киритган спортчи ёшларга алоҳида эҳтиром кўрсатилди.

Вилоят ҳокими Шавкатжон Абдураззоқов олимпиада ўйинларида иштирок этиш ҳуқуқига эга бўлган икки спортчи қиз - ўқ отиш бўйича моҳир спортчи Муҳтасар Тоҳирова ҳамда чарм қўлқоп устаси Шахноза Юнусовага «Nexia 3» автомашинасини туҳфа этди.

Ёшлик ва спорт байрамига айланган фестивалда шунингдек, Осиё ва Жаҳон чемпионатининг 10 нафар совриндор 5 миллион сўмдан, «Токио-2020» олимпия ва параолимпия ўйинларида иштирок этиш йўлланмасини қўлга киритган 6 нафар спортчининг ҳар бирига 6 миллион сўмлик пул мукофотлари топширилди.

Байрам тадбирлари давомида санъаткорларнинг кўнгилочар дастурлари, Миллий гвардия, Ички ишлар қўшинларининг курсантларининг ватанпарварлик руҳидаги жанговар чиқишлар намойиш қилинди

Қудратилла НАЖМИДДИНОВ

«Халқ сўзи»