Ularni taqdirlash marosimi yoshlar oyligi doirasidagi “Yoshlar va sport” festivali chogʻida tashkil etildi. “Afsonalar vodiysi” tematik parkida boʻlib oʻtayotan ushbu anjuman bugun minglab yigit-qizlarni birlashtirgan. Unda “Tokio-2020” olimpia va paraolimpiya oʻyinlarida ishtirok etish huquqini qoʻlga kiritgan sportchi yoshlarga alohida ehtirom koʻrsatildi.

Viloyat hokimi Shavkatjon Abdurazzoqov olimpiada oʻyinlarida ishtirok etish huquqiga ega boʻlgan ikki sportchi qiz - oʻq otish boʻyicha mohir sportchi Muhtasar Tohirova hamda charm qoʻlqop ustasi Shaxnoza Yunusovaga «Nexia 3» avtomashinasini tuhfa etdi.

Yoshlik va sport bayramiga aylangan festivalda shuningdek, Osiyo va Jahon chempionatining 10 nafar sovrindor 5 million soʻmdan, “Tokio-2020” olimpiya va paraolimpiya oʻyinlarida ishtirok etish yoʻllanmasini qoʻlga kiritgan 6 nafar sportchining har biriga 6 million soʻmlik pul mukofotlari topshirildi.

Bayram tadbirlari davomida sanʼatkorlarning koʻngilochar dasturlari, Milliy gvardiya, Ichki ishlar qoʻshinlarining kursantlarining vatanparvarlik ruhidagi jangovar chiqishlar namoyish qilindi

Qudratilla NAJMIDDINOV

“Xalq soʻzi”