Шаҳрисабз аэропорти фаолиятини тиклади
Фото: Uzbekistan Airports
Қашқадарё вилоятидаги Шаҳрисабз аэропорти фаолиятини тиклади. Бу ҳақда «Uzbekistan Airports» матбуот хизмати хабар берди.
Қайд этилишича, бугун, 26 март куни Шаҳрисабз аэропорти икки ҳафталик танаффусдан сўнг мунтазам йўловчи қатновларини қабул қилишни бошлаган. Ҳаво қатновини «Silk Avia» компаниясининг US721 рейси очиб берган. Самолёт маҳаллий вақт билан соат 11:17 да Шаҳрисабз аэропортига қўнган.
Мазкур аэропорт жорий йилнинг 13 март куни учиш-қўниш йўлагида капитал таъмирлаш ишлари олиб борилаётгани муносабати билан фаолиятини вақтинча тўхтатганди.
Узоқ муддатли фойдаланишдан кейин учиш-қўниш йўлаги сирти мустаҳкамланиб, янги асфальт билан алмаштирилган. Юриш йўлагини таъмирлаш ҳам яқин вақт ичида якунланади.
Тавсия этамиз
Кўп ўқилганлар
- Ўзбекистонда доимий аҳоли сони ҳар куни неча кишига ошяпти?
- Шаҳрам Ғиёсов тажрибали рақибини муддатдан олдин мағлуб этди
- Яна бир бозор аукционга қўйилди
- Самарқанд яна бир нуфузли форумга мезбонлик қилади
- Ўзбекистон паспорти халқаро индексда паст натижа қайд этди
- Марказий банк шошилинч огоҳлантириш билан чиқди
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг