Саноат салоҳиятини оширадиган лойиҳа
Булоқбоши туманида “Joʻydam Taʼmir Invest” Ўзбекистон – Хитой қўшма корхонаси томонидан қиймати 350 миллион АҚШ доллари бўлган йирик саноат ва қурилиш лойиҳаси амалга оширила бошланди.
Лойиҳа доирасида полипропилен қоплар, шифер, газаблок, тайёр бетон ҳамда йўлак плиткалари ишлаб чиқариш корхоналари барпо этилиши, шунингдек, логистика маркази ва “Buloqboshi city” тураржой мажмуаси қурилиши режалаштирилган.
— Мазкур лойиҳа нафақат иқтисодий самара бериши, балки янги иш ўринлари яратилишига ҳам замин яратади, — дейди туман ҳокимлиги масъул ходими Иброҳимжон Юлдашев. — Шу орқали маҳаллий аҳолининг бандлигини таъминлаш ва замонавий инфратузилмани ривожлантириш имконияти кенгаяди.
Таъкидланишича, корхоналарда ишлаб чиқариладиган маҳсулотлар нафақат ички бозор эҳтиёжини қондириш, балки экспортга йўналтириш имконини ҳам беради. Бу эса туманда саноат кооперациясини ривожлантириш ва инвестициявий жозибадорликни янада оширишга хизмат қилади.
Саминжон ҲУСАНОВ
«Халқ сўзи».
Тавсия этамиз
Кўп ўқилганлар
- “Лўлилар фақат тиланчими?...” Улар яшаётган маҳалладан фоторепортаж
- Ҳокимлик Тошкентни “юва бошлади“. Хўш, сув сепиш ҳаво ифлосланишини камайтирадими?
- Янгиланаётган Марказий Осиё: бирлик, дўстлик ва ҳамкорликнинг янги босқичи
- «Адабиёт ва ҳаёт»: Султонбой Деҳқоновнинг шахсий фотокўргазмаси очилди (+фоторепортаж)
- Ногиронлиги бўлган фуқароларга 30 млн сўмгача фоизсиз ссуда ажратилади
- Камбағалликни қисқартириш: пул эмас, ақл-идрок ва билим муҳим
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг