Фото: Акмал Муҳаммадов/«Халқ сўзи»

2025 йилнинг 27-29 ноябрь кунлари Тошкент шаҳрида «Ипак йўлида туризм» 30-юбилей Тошкент халқаро туризм ярмаркаси (TXTY-2025) бўлиб ўтади. Бу йил ҳам Тошкент халқаро туризм ярмаркаси «Central Asian Expo Uzbekistan» халқаро кўргазмалар марказида бўлиб ўтади.

Тошкент халқаро туризм ярмаркаси туризм маҳсулотларини тарғиб қилувчи, ҳамкорлик учун ишбилармонлик алоқалари ва алоқаларини ўрнатувчи энг йирик ахборот тадбиридир. Сўнгги ўттиз йилликда Тошкент халқаро туризм ярмаркаси туризм соҳасидаги энг қизиқарли тадбирлардан бири сифатида ўзини намоён қила олди ва ҳар йили Жаҳон сайёҳлик ташкилоти (УНWТО)нинг расмий кўмагида ўтказиладиган Марказий Осиёдаги энг йирик тадбир ҳисобланади.

Ярмарка доирасида дунёнинг турли мамлакатларидан 300 дан ортиқ компания вакиллари иштирок этадиган сайёҳлик кўргазмаси, 30 дан ортиқ мамлакатдан 200 дан зиёд ошпаз беллашадиган машҳур ошпазлар иштирокидаги Халқаро ошпазлар чемпионати, журналистлар, блогерлар ва туризмни тарғиб қилиш бўйича мутахассислар учун «Медиа Cампус» интерактив майдони ташкил этилади. Шунингдек, туризм соҳасидаги етакчи халқаро ва маҳаллий мутахассислар иштирокида авиация, таълим, экология ва зиёрат мавзуларида форумлар ва сессиялар ўтказилади. Бундан ташқари, турли мамлакатлардан келган хусусий компаниялар вакиллари ўртасида Б2Б учрашувлари, давра суҳбатлари, туризм хизматлари ва ҳунармандчилик санъати кўргазмалари ташкил этилади.

2024 йилда Тошкент халқаро туризм ярмаркаси 1 минг 500 дан ортиқ маҳаллий ва хорижий иштирокчиларни, «Hosted Buyers» дастури бўйича 7 та хорижий ва 30 дан ортиқ маҳаллий ва халқаро сайёҳлик компанияларини, шунингдек, 30 та давлатдан 13 минг 500 дан ортиқ ташриф буюрувчиларни қабул қилган. Бундан ташқари, ўтган йилги ярмаркада туризм соҳаси вакиллари ўртасида 8 мингдан ортиқ шартнома имзолангани, 20 мингдан ортиқ музокаралар ўтказилгани билан тарихда қолди. Булар Тошкент халқаро туризм ярмаркасининг туризмни ривожлантириш катализатори сифатидаги аҳамиятидан далолат берувчи таъсирли рақамлардир.

Шунингдек, TXTY-2025 майдончасида маҳаллий аҳоли, МДҲ, Осиё ва Европа давлатларидан келадиган 15 минг нафаргача ташриф буюрувчи иштироки кутилмоқда. Ташриф буюрувчилар ва иштирокчилар янги туристик йўналишлар билан танишиш, турли мамлакатларнинг ранг-баранг маданияти ва анъаналарини ҳис қилиш, шунингдек, Ўзбекистоннинг барча ҳудудларидаги янги сайёҳлик масканларининг салоҳиятини баҳолаш имконига эга бўладилар.