Россия ядровий арсеналини модернизация қилишнинг асосий қуроли бўлган “Сармат“ ракетаси синовдан ўтказилиш жараёнида “ҳалокатли носозлик”га учрагани айтилмоқда. Бу ҳақда “Al-Jazeera” хабар берди. Ракета учирилган жойнинг сунъий йўлдошдан олинган тасвирлари ҳам келтирилган.

21 сентябр куни олинган суратларда Россия шимолидаги Плесецк космодромидаги учириш силосида кенглиги тахминан 60 метр кратер борлиги кўрсатилган. Улар ой бошида олинган суратларга қараганда анча катталиги кўринади.

“RS-28 Сармат“ қитъалараро баллистик ракетаси ядро каллаклари АҚШ ёки Европадаги минглаб километр узоқликдаги нишонларга зарба бериш учун мўлжалланган. Бироқ унинг ривожланиши кечикишлар ва синовлардаги муваффақияцизликлар туфайли тўхтаб қолди.

Женевада яшовчи, Россия ядро кучлари лойиҳасини бошқараётган Павель Повдигнинг фикрига кўра, ракета ва силос билан жиддий ҳодиса юз берган. Лондондаги Халқаро Стратегик Тадқиқотлар Институти илмий ходимининг “Reuters” агентлигига айтишича, ракета ҳалокатли механик носозлик туфайли қулаб тушган ёки силосга яқин жойга қўниб, портлаб кетган.

Карнеги Халқаро Тинчлик Жамғармасининг ядро бўйича мутахассиси Жеймс Актон Х саҳифасида сунъий йўлдошдан олинган олдин ва кейинги суратлар катта портлаш бўлганига жуда ишонарли эканлигини ҳамда “Сармат“ синови муваффақияцизликка учраганига ишончи комил эканлигини айтган.

Кремл “Сармат“ бўйича саволларни Мудофаа вазирлигига юборган. Вазирлик “Reuters”нинг сўрови ва “Сармат“ синовлари ҳақида ҳеч қандай хабар бермаган. Россиянинг Украинага кенг кўламли бостириб кириши бошланганидан бери Владимир Путин Россия дунёдаги энг катта ва энг илғор ядровий арсеналга эга эканлигини қайта-қайта айтиб келади ва Ғарбни ядро урушига олиб келиши мумкин бўлган чизиқдан ўтмаслик ҳақида огоҳлантиради.

Ғарбда “Шайтон II” номи билан машҳур бўлган 35 метр узунликдаги “RS-28 Сармат“ 18 минг км масофани босиб ўтади ва учиш оғирлиги 208 тоннадан ошади. Россия оммавий ахборот воситаларининг таъкидлашича, у 16 тагача мустақил нишонга олинадиган ядро каллакларини ҳамда авангард гипертовушли сузувчи транспорт воситаларини олиб юриши мумкин. Путиннинг айтишича, бу янги тизим тенгсиз кучга эгадир.

Россия раҳбари 2023 йил октябр ойида Кремл ракета устидаги ишларни деярли якунлаганини айтган эди. Унинг ўша пайтдаги мудофаа вазири Сергей Шойгуга кўра, у Россиянинг қуруқликдаги стратегик ядровий кучларининг асосини ташкил қилади.

Таҳлилчилар ушбу қурол тўртинчи бор муваффақияцизликка учраганини ва ишга туширилиши тобора кечикаётгани ҳақида гапирмоқда. Кечикишлар эскирган SS-18 самолётларининг хизмат кўрсатиш қобилияти ва тайёрлигига босим ўтказиши мумкин, чунки улар кутилганидан кўпроқ хизмат қилмоқда.