«У битим тузишни истаётгандек таассурот қолдирди». Трамп Путиннинг АҚШ делегацияси билан учрашувини «жуда яхши» деб атади
АҚШ президенти Дональд Трамп Россия президенти Владимир Путиннинг АҚШ махсус вакили Стив Уиткофф ва Америка етакчисининг куёви Жаред Кушнер билан учрашувини «жуда яхши» деб баҳолади. Бу ҳақда Трампнинг фикрларини РБК келтирди.
Уиткофф ва Кушнер Трамп ҳамда Украина расмийларига Путин билан бўлган «батафсил ва самарали учрашув» ҳақида хабар беришган.
— Уларнинг фикрича, Путин уруш тугашини хоҳлаётганга ўхшайди. Менимча, у янада нормал ҳаётга қайтишни истайди, — деди Трамп.
АҚШ президентининг таъкидлашича, Путин можаро давом эттиришдан кўра, АҚШ билан савдо алоқаларини тиклашни хоҳлаши мумкин.
— Уларнинг жуда кучли таассуроти шуки, Путин битим тузишни истаётганга ўхшайди. Кўрамиз, натижа қандай бўлади, — дея қўшимча қилди Трамп.
Эслатиб ўтамиз, Путиннинг АҚШ делегацияси билан музокаралари Кремлда ўтган. Россия президентининг ёрдамчиси Юрий Ушаков учрашувни «жуда фойдали, конструктив ва мазмунли» деб баҳолаганди.
Тавсия этамиз
Кўп ўқилганлар
- «Адабиёт ва ҳаёт»: Султонбой Деҳқоновнинг шахсий фотокўргазмаси очилди (+фоторепортаж)
- Ҳокимлик Тошкентни “юва бошлади“. Хўш, сув сепиш ҳаво ифлосланишини камайтирадими?
- Камбағалликни қисқартириш: пул эмас, ақл-идрок ва билим муҳим
- Ўзбекистонда хотин-қизларга нисбатан рақамли зўравонликка барҳам бериш бўйича 16 кунлик кампания бошланди
- “Матонатли Марям” фильми кенг жамоатчиликка тақдим этилди
- FIDE жаҳон кубоги чемпиони Жавоҳир Синдаровни кутиб олиш маросими бўлиб ўтди (+фоторепортаж)
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг