Қозоғистон Республикаси Бош вазири Алихан Смаилов ИҲТнинг ўн олтинчи саммитида иштирок этиш учун мамлакатимизга ташриф буюрди

13:05 08 Ноябрь 2023 Сиёсат
271 0

Фото: Ўзбекистон Республикасининг Ҳукумат портали

Юқори мартабали меҳмонни Тошкент халқаро аэропортида Ўзбекистон Республикаси Бош вазири Абдулла Арипов ва бошқа расмийлар кутиб олди. Бу ҳақда Ўзбекистон Республикасининг Ҳукумат портали хабар берди.

Қисқа суҳбатдан сўнг, юқори мартабали меҳмон ўзи учун ажратилган қароргоҳга жўнаб кетди.

Президентимиз Шавкат Мирзиёев раислигида ўтадиган ИҲТ саммитида савдо-иқтисодий, инвестициявий, транспорт-коммуникациявий ва гуманитар ҳамкорликни янада кенгайтириш ҳамда ушбу кўп томонлама тузилма фаолиятини такомиллаштириш масалалари кўриб чиқилиши кўзда тутилган.

Эслатиб ўтамиз, аввалроқ Ўзбекистон илк бор Иқтисодий ҳамкорлик ташкилотининг саммитига мезбонлик қилиши айтилганди.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?