Путин ва Цзиньпин Россия ва Хитойнинг янги ядровий лойиҳасига старт беради

16:49 18 Май 2021 Дунё
727 0

Россия президенти Владимир Путин ва Хитой раҳбари Си Цзиньпин янги ядро иншооти қурилишини бошлаш маросимида қатнашадилар. Бу ҳақда Хитой Халқ Республикаси ташқи ишлар вазирлиги расмий вакили Хуа Чуньин маълум қилди.

Унинг сўзларига кўра, улар иштирокидаги тадбир 19 май, чоршанба куни онлайн тарзда ўтказилади.

Чуньиннинг сўзларига кўра, икки мамлакат раҳбарлари атом энергетикаси соҳасидаги ҳамкорлик дастури доирасида амалга ошириладиган Хитой — Россия объекти қурилишини бошлаш маросимида қатнашадилар.

Ташқи сиёсат бўлими вакили қайси объект ҳақида гап кетаётганига аниқлик киритмаган.

Аввалроқ, Хитой ва Россия яхши қўшничилик, дўстлик ва ҳамкорлик тўғрисидаги шартномани узайтиришга келишиб олгани маълум бўлган эди.

Бунгача Хитой ташқи ишлар вазири Ван И Москва ва Пекин ўртасидаги ҳамкорлик энг юқори даражага кўтарилганини айтган эди.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?

Кўп ўқилганлар

Янгиликлар тақвими

Кластер