Ўзбекистоннинг аёллар тинчлиги ва хавфсизлиги бўйича глобал индексдаги ўрни очиқланди

15:35 22 Октябр 2021 Жамият
850 0

Аёллар тинчлиги ва хавфсизлиги бўйича глобал индексда (WПС индекси) Ўзбекистон 74-ўринни эгаллади.

Маълум қилинишича, индексда дунёнинг 170 мамлакатидаги аёллар ҳолати тўғрисидаги маълумотлар тўпланган.

WПС индексидаги тенденциялар шуни кўрсатадики, аёллар мақомининг глобал ўсиши секинлашган ва мамлакатлар ўртасидаги тенгсизлик ошган, дейилади WПС индекси ҳисоботида.

Бундан ташқари, WПС Индех маълумотларига кўра, Ўзбекистонда 2017 йилга нисбатан парламентдаги аёллар улуши ошган (16,4% дан 28,7% гача). Аёлларнинг молиявий инклюзия кўрсаткичи пасайган - 2017 йилдаги 39,3% дан 2021 йилда 36% гача.

Қайд этилишича, WПС индексида 2017 йил учун эркаклар томонидан аёлларга нисбатан зўравонлик бўйича маълумотлар йўқ эди. 2021 йилда бу кўрсаткич 7,3%ни ташкил қилади.

Шуни қўшимча қилиш керакки, WПС индексининг юқори ўринларида Норвегия, Финляндия, Исландия, Дания ва Люксембург турибди.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?