Шу йилнинг 18 ноябрь куни олий таълим соҳасидаги нуфузли халқаро агентлик – «QS Quacquarelli Symonds 2026» натижалари эълон қилинди. Бу ҳақида Олий таълим, фан ва инновациялар вазирлиги хабар берди.

Унда айтилишича, мазкур рейтинг дунёнинг қарийб икки мингта университетини қамраб олган бўлиб, унда Ўзбекистоннинг 9 та олий таълим муассасаси, шу жумладан уларнинг учтаси Топ-1000 талик рўйхатдан ўрин олган.

Ушбу рўйхат орасида бир қатор университетлар ўтган йилги кўрсаткичларини яхшилаган бўлса, айримлари рейтингга биринчи маротаба киритилган.

Ўзбекистон ОТМларининг рейтингдаги ўринлари қуйидагича:

• «Тошкент ирригация ва қишлоқ хўжалигини механизациялаш муҳандислари институти» Миллий тадқиқот университети – 874-ўрин;
• Тошкент давлат иқтисодиёт университети – 951 ўрин;
• Ўзбекистон Миллий университети – 970-ўрин.

Шунингдек, яна 6 та олий таълим муассасаси, жумладан, Андижон давлат университети, Самарқанд давлат университети, Тошкент давлат техника университети, Тошкент давлат транспорт университети, Тошкент ахборот технологиялари университети ва Урганч давлат университети 1501+ гуруҳидан жой олган.