Хитойнинг Ҳанжоу шаҳрида бўлиб ўтаётган Осиё ўйинларида Пара енгил атлетиканинг Т13 класида эркаклар ўртасида узунликка сакраш баҳсларида иштирок этган ҳамюртимиз Дониёр Ахмедов 6.88 метр натижа билан олтин медални қўлга киритди.

Пара дзюдо бўйича аёллар ўртасида J2 классида -70 кг вазн тоифасида баҳсларда иштирок этган ҳамюртимиз Муниса Мадримова делегациямиз ҳисобига кумуш медални қўшиб қўйди. Пара дзюдо бўйича аёллар ўртасида J1 классида +70 кг вазн тоифасида ҳамюртимиз Феруза Эргашева ҳам кумуш медални қўлга киритди.

Пара пауэрлифтинг бўйича аёллар ўртасида -55 кг вазн тоифасида баҳсларда иштирок этган ҳамюртимиз Муслима Нуриддинова 107 кг тошни бўйсундирган ҳолда кумуш медалга сазовор бўлди. 

Пара велоспортнинг трек пойгаларида иштирок этган ҳамюртимиз Ғолиббек Мирзаёров якунда маррага иккинчи бўлиб етиб келди ва кумуш медалга сазовор бўлди. Пара велоспортнинг трек пойгаларида иштирок этган ҳамюртимиз Азимбек Абдуллаев эса делегациямиз ҳисобига навбатдаги бронза медални қўшиб қўйди.

Шунингдек, пара пауэрлифтинг бўйича эркаклар ўртасида -72 кг вазн тоифасида юртимиз шарафини ҳимоя қилган Бекзод Жамилов 204 кг натижа билан бронза медалга сазовор бўлди.

Айни вақтда Ўзбекистон терма жамоаси 13та олтин, 16та кумуш, 16та бронза медаллари билан умумжамоа ҳисобида тўртинчи ўринда бормоқда.