Ўзбекистонда поездлар ҳаракатини онлайн кузатиб бориш мумкин бўлади

01:07 26 Ноябрь 2021 Жамият
1057 0

«Ўзбекистон темир йўллари» акциядорлик жамияти томонидан 2021 йил учун ахборот-коммуникация технологияларини жорий этиш ва ривожлантириш бўйича доимий асосда ишлар амалга оширилди.

Хусусан, Президент қарорига мувофиқ, «Рақамли Ўзбекистон – 2030» стратегияси доирасида 2020-2024 йилларда АЖларни рақамли ўзгартиришга қаратилган 14 та лойиҳа белгиланди.

Маълумотларга кўра, 14 та лойиҳадан 8 таси тўлиқ амалга оширилган. Шунингдек, рақамлаштириш соҳасидаги асосий истиқболли вазифалар белгилаб олинди:

темир йўл поездлари локомотивлари ҳаракатини назорат қилиш ва юзага келиши мумкин бўлган хавф-хатарлар ҳақида машинистни 2022 йилнинг май ойига қадар ўз вақтида хабардор қилиш учун сунъий интеллект тизимини экспериментал жорий этиш;

2022 йил декабригача поездлар ҳаракатини мониторинг қилишнинг онлайн тизимини яратиш;

2022 йил декабригача «ягона дарча» тамойили бўйича юкларни ташиш бўйича хизматлар ахборот тизимининг қўшимча модулларини босқичма-босқич яратиш;

мавжуд автоматлаштирилган электрон чипталар тизимини янада такомиллаштириш;

маълумотлар марказини такомиллаштириш ёки ижара асосида мейнфреймларни сотиб олиш масаласини ҳал қилиш;

оптик толали алоқа линияларини қуриш лойиҳаларини давом эттириш;

ахборот-коммуникация технологияларидан фойдаланиш ва ахборот хавфсизлигини таъминлаш бўйича Компания мутахассисларининг малакасини ошириш;

Бундан ташқари, 2022 йил охиригача учта янги лойиҳани амалга ошириш режалаштирилган:

сунъий интеллектдан фойдаланган ҳолда барча станцияларда ортиқча юк вагонларини аниқлаш ахборот тизимини жорий этиш;

фуқароларга «Темир йўл навигацияси» йўловчи поездлари ҳаракатини «Авианавигация» тизимига ўхшаш ҳолда он-лайн режимда кузатиш имконини берувчи ахборот тизимини яратиш;

электрон чипталарни сотиш ахборот тизимининг шаҳар атрофи поездларига чипталарни онлайн сотиш модулини яратиш.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?

Кўп ўқилганлар

Янгиликлар тақвими

Кластер