Oʻzbekistonda poyezdlar harakatini onlayn kuzatib borish mumkin boʻladi

01:07 26 Noyabr 2021 Jamiyat
422 0

“Oʻzbekiston temir yoʻllari” aksiyadorlik jamiyati tomonidan 2021-yil uchun axborot-kommunikatsiya texnologiyalarini joriy etish va rivojlantirish boʻyicha doimiy asosda ishlar amalga oshirildi.

Xususan, Prezident qaroriga muvofiq, “Raqamli Oʻzbekiston – 2030” strategiyasi doirasida 2020-2024-yillarda AJlarni raqamli oʻzgartirishga qaratilgan 14 ta loyiha belgilandi.

Maʼlumotlarga koʻra, 14 ta loyihadan 8 tasi toʻliq amalga oshirilgan. Shuningdek, raqamlashtirish sohasidagi asosiy istiqbolli vazifalar belgilab olindi:

temir yoʻl poyezdlari lokomotivlari harakatini nazorat qilish va yuzaga kelishi mumkin boʻlgan xavf-xatarlar haqida mashinistni 2022-yilning may oyiga qadar oʻz vaqtida xabardor qilish uchun sunʼiy intellekt tizimini eksperimental joriy etish;

2022-yil dekabrigacha poyezdlar harakatini monitoring qilishning onlayn tizimini yaratish;

2022-yil dekabrigacha “yagona darcha” tamoyili boʻyicha yuklarni tashish boʻyicha xizmatlar axborot tizimining qoʻshimcha modullarini bosqichma-bosqich yaratish;

mavjud avtomatlashtirilgan elektron chiptalar tizimini yanada takomillashtirish;

maʼlumotlar markazini takomillashtirish yoki ijara asosida meynfreymlarni sotib olish masalasini hal qilish;

optik tolali aloqa liniyalarini qurish loyihalarini davom ettirish;

axborot-kommunikatsiya texnologiyalaridan foydalanish va axborot xavfsizligini taʼminlash boʻyicha Kompaniya mutaxassislarining malakasini oshirish;

Bundan tashqari, 2022-yil oxirigacha uchta yangi loyihani amalga oshirish rejalashtirilgan:

sunʼiy intellektdan foydalangan holda barcha stansiyalarda ortiqcha yuk vagonlarini aniqlash axborot tizimini joriy etish;

fuqarolarga “Temir yoʻl navigatsiyasi” yoʻlovchi poyezdlari harakatini “Avianavigatsiya” tizimiga oʻxshash holda on-layn rejimda kuzatish imkonini beruvchi axborot tizimini yaratish;

elektron chiptalarni sotish axborot tizimining shahar atrofi poyezdlariga chiptalarni onlayn sotish modulini yaratish.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?