Ўзбекистон Республикаси ва Хитой Халқ Республикасининг Биринчи хонимлари учрашди
Президент Шавкат Мирзиёевнинг Хитойга давлат ташрифи доирасида Ўзбекистон Республикасининг Биринчи хоними Зироат Мирзиёева Хитой Халқ Республикасининг Биринчи хоними Пэн Лиюань билан учрашув ўтказди.
Зироат Мирзиёева Ўзбекистон ва Хитой ўртасидаги алоқаларнинг илдизлари жуда узоқ ўтмишга бориб тақалиши, халқларимизнинг бой тарихи ва маданияти бугун дўстлик, ўзаро ишонч ва ҳурмат руҳида жадал ривожланиб бораётган муносабатларимизга муҳим асос бўлиб хизмат қилаётганини таъкидлади.
Дўст Хитой халқини ой тақвими бўйича кириб келаётган Янги йил – Чунь Цзе байрами билан қутлаб, энг эзгу тилакларини билдирди.
Пэн Лиюань Ўзбекистон Республикасининг Биринчи хоними Зироат Мирзиёева билан қарор топган яқин дўстона муносабатларни қадрлаши, мамлакатларимиз ўртасидаги ҳамкорлик тобора юксалиб бораётганидан мамнунлигини билдирди.
Суҳбат ҳар доимгидек самимий муҳитда ўтди.
Тавсия этамиз
Кўп ўқилганлар
- Айрим оилаларга бир марталик моддий ёрдам берилади
- Ўзбекистонда доимий аҳоли сони ҳар куни неча кишига ошяпти?
- Шаҳрам Ғиёсов тажрибали рақибини муддатдан олдин мағлуб этди
- Самарқанд яна бир нуфузли форумга мезбонлик қилади
- Марказий банк шошилинч огоҳлантириш билан чиқди
- «Leapmotor» Ўзбекистонда ўтказилган автомобиль тести натижаларидан норозилигини билдирди
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг