Наманган шаҳридаги уйлардан бирида газ портлаб кетди
Наманган вилояти Наманган шаҳрида Беруний кўчасидаги уйлардан бирида газ портлади. Бу ҳақда Фавқулодда вазиятлар вазирлиги матбуот хизмати хабар берди.
Маълумотларга кўра, воқеа 12 декабрь куни соат 03:20 да содир бўлган. Ҳодисага уйнинг ётоқхонасига уланган газ қувури кранининг носозлиги сабаб бўлган, бунинг натижасида хонада газ тўпланиб, портлаб кетган.
Портлаш оқибатида ёнғин содир бўлиб, Фавқулодда вазиятлар вазирлиги кучлари томонидан муваффақиятли бартараф этилган.
Ҳодиса оқибатида уй эгаси, унинг рафиқаси ва уч нафар фарзанди тан жароҳати олган, уларнинг барчаси турли даражадаги куйишлар билан жароҳатланган. Шунингдек, ёнғин натижасида 20 квадрат метр шифт ва том қисми зарарланган.
Мазкур ҳолат юзасидан терговга қадар текширув ишлари олиб борилмоқда.
Фавқулодда вазиятлар вазирлиги огоҳлантиради: қиш мавсумида хоналарни иситиш учун ностандарт газ, электр иситиш мосламаларидан фойдаланманг, дейилади хабарда.
Тавсия этамиз
Кўп ўқилганлар
- Саккизта гол урилган ўйинда “Барселона” ғалаба қозонди
- “Башакшеҳир” Туркиянинг гранд клуби билан дуранг ўйнади
- Ўзбекистон миллий терма жамоаси учун Жаҳон чемпионати қуръаси омадли ўтдими?
- Ўзбекистон терма жамоасининг Жаҳон чемпионатидаги ўйин саналари эълон қилинди
- АҚШ Европадан НАТО мажбуриятларининг асосий қисмини ўз зиммасига олишни талаб қилди
- FIDE жаҳон кубоги чемпиони Жавоҳир Синдаровни кутиб олиш маросими бўлиб ўтди (+фоторепортаж)
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг