Хитойда кучли довул юз берди. Қурбонлар бор

02:00 02 Май 2021 Дунё
911 0

Хитойнинг Цзансу провинциясида юз берган кучли довул оқибатида камида 11 киши ҳалок бўлган ва 100 дан ортиқ одам тан жароҳат олган. Манбага кўра, мамлакат шарқида жойлашган Нантонг шаҳрида дўл ёғиб, кучли довул содир бўлган.

Шаҳар маъмурлари бу ерда шамолнинг тезлиги 45 м/с.гача етганини маълум қилди. Кучли довул оқибатида дарахтлар йиқилган, электр узатиш тармоқларига зарар етган, айрим бинолар ва шахсий автомобиллар шикастланган.

Расмийларга кўра, табиий офат ҳудудида бўлган уч мингга яқин одам шошилинч равишда эвакуация қилинган, барча жабрланганларга тиббий ёрдам кўрсатилган. Бўрон оқибатларини бартараф этишга киришилган.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?