Xitoyda kuchli dovul yuz berdi. Qurbonlar bor

02:00 02 May 2021 Dunyo
943 0

Xitoyning Szansu provinsiyasida yuz bergan kuchli dovul oqibatida kamida 11 kishi halok boʻlgan va 100 dan ortiq odam tan jarohat olgan. Manbaga koʻra, mamlakat sharqida joylashgan Nantong shahrida doʻl yogʻib, kuchli dovul sodir boʻlgan.

Shahar maʼmurlari bu yerda shamolning tezligi 45 m/s.gacha yetganini maʼlum qildi. Kuchli dovul oqibatida daraxtlar yiqilgan, elektr uzatish tarmoqlariga zarar yetgan, ayrim binolar va shaxsiy avtomobillar shikastlangan.

Rasmiylarga koʻra, tabiiy ofat hududida boʻlgan uch mingga yaqin odam shoshilinch ravishda evakuatsiya qilingan, barcha jabrlanganlarga tibbiy yordam koʻrsatilgan. Boʻron oqibatlarini bartaraf etishga kirishilgan.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?