Ханчжоу-2022 Осиё ва Параосиё ўйинлари қолдирилди

12:58 06 Май 2022 Спорт
945 0

Фото: Иллюстратив фото

Жорий йилнинг кузида Ханчжоуда бўлиб ўтиши керак бўлган Осиё ва Параосиё ўйинлари номаълум муддатга қолдирилди. Бу ҳақда мусобақанинг ташкилий қўмитаси маълум қилди.

Хитойдаги Covid-19 билан боғлиқ вазият мусобақанинг кечиктирилишига сабаб бўлгани айтилмоқда.

Осиё ва Параосиё ўйинларининг янги саналари эса кейинроқ эълон қилинади.

Маълумот учун, мусобақа мезбони ҳисобланган Ханчжоу Хитойнинг энг йирик шаҳри - Шанхай яқинида жойлашган. Шанхайда эса коронавирус билан боғлиқ сабаблар билан яқинда бир ҳафталик карантин жорий этилган эди.

Бундан аввалроқ, ташкилотчилар жорий йил Пекинда бўлиб ўтган қишки Олимпия ва Паралимпия ўйинларининг муваффақиятли тажрибасидан сабоқ олган ҳолда Осиё ва Параосиё ўйинларини ҳам ана шу режа асосида ўтказишни режалаштираётганликларини маълум қилишган эди.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?

Кўп ўқилганлар

Янгиликлар тақвими

Кластер