Ҳудудлар қарийб 350 тонна чиқиндидан тозаланди
Экология, атроф-муҳитни муҳофаза қилиш ва иқлим ўзгариши вазирлиги ҳамда унинг ҳузуридаги Чиқиндиларни бошқариш ва циркуляр иқтисодиётни ривожлантириш агентлиги томонидан Тошкент шаҳрининг Янги ҳаёт тумани, “Янги Чоштепа” МФЙ ҳудудида 30 март — Чиқиндисиз дунё учун халқаро куни муносабати билан плоггинг эко-акцияси ўтказилди.
Вазирлик бўлим бошлиғи З. Абдуллаеванинг айтишича, плоггинг учун айнан аҳоли яшайдиган ҳудуд танлангани бежиз эмас. Мазкур акция орқали аҳолига ўзи яшайдиган ҳудудни чиқиндихонага айлантирмаслик, атроф-муҳитни озода сақлаш зарурлигини яна бир бор уқтириш мақсад қилинган.
Акция давомида атроф-муҳит жами 1 124 кг. чиқиндидан тозаланди. Якунда энг кўп чиқинди тўплаган жамоалар тақдирланди. Шунингдек, барча иштирокчиларга эсдалик совғалари ва ташаккурномалар топширилди.
Маълумот учун, акция давомида юртимиз бўйлаб жами 3 мингга яқин иштирокчи томонидан 58 та ҳудуд (150 гектарга яқин) 349,8 тонна чиқиндидан тозаланди.
Тавсия этамиз
Кўп ўқилганлар
- Ўзбекистонда доимий аҳоли сони ҳар куни неча кишига ошяпти?
- Шаҳрам Ғиёсов тажрибали рақибини муддатдан олдин мағлуб этди
- Яна бир бозор аукционга қўйилди
- Самарқанд яна бир нуфузли форумга мезбонлик қилади
- Марказий банк шошилинч огоҳлантириш билан чиқди
- «Leapmotor» Ўзбекистонда ўтказилган автомобиль тести натижаларидан норозилигини билдирди
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг