Фото: fonstola.ru

Россия Украинанинг марказий қисмидаги авиабазага ҳужум қилиб, бир нечта Украина қирувчи самолётларини йўқ қилди. Бу ҳақда «Newsweek» нашри хабар берди.

Россия Мудофаа вазирлиги Полтава вилоятидаги Миргород ҳаво базасини нишонга олганини айтди. Улар бешта Su-27 қирувчи самолётини йўқ қилганини ва яна иккитасига зарар етказганини даъво қилмоқда.

Москва ҳужумни акс эттиргани ҳақида видеоларни тарқатди. «Видеони тасдиқлаш имкони йўқ, чунки Украина ҳарбий-ҳаво кучлари ҳужумга изоҳ беришдан бош тортди», деб ёзди нашр. NASA сунъий йўлдош маълумотларига таянилса, ушбу ҳудудда ёнғин юзага келганини кўриш мумкин.

Украина учувчисиз самолётлар ва ракеталар ёрдамида Россия ҳаво базаларини нишонга олган эди. Миргород авиабазасига олдин ҳам бир неча маротаба зарба берилган. Украина ҳарбий-ҳаво кучларининг собиқ матбуот котиби Юрий Игнат ҳужумни тасдиқлади, аммо Россиянинг етказилган зарар миқдори ҳақидаги даъволарига қарши чиқди.

Собиқ маъмурнинг таъкидлашича, Россия хабар қилганидек йўқотишлар оғир эмас. Таниқли россиялик ҳарбий блогерлар ҳам зарар ҳақида турли маълумотларни тақдим этган.

Аввалроқ Россияда Украина герби акс этган футболка кийиб юрган ўзбекистонлик жаримага тортилганди.