ФИФА илк бор саудиялик аёлни халқаро ҳакам этиб тайинлади
Фото: arabiandaily.com
Халқаро футбол федерацияси (ФИФА) биринчи марта Саудия Арабистонидан бўлган аёлни халқаро ҳакам этиб тайинлашга қарор қилди. Бу ҳақда "Arabian Daily" хабар бермоқда.
Бу мақом Ануд Ал-Асмарийга берилди. У ўзидан ташқари Саудия Арабистонидан яна етти нафар эркак ҳакамни ўз ичига олган халқаро тоифадаги ҳакамлардан бирига айланганидан хурсанд эканлигини тан олди.
Ал-Асмарий эркаклар терма жамоаси ўйинида ишлашга тайёрми, деган саволга ҳам жавоб берди. У бундай тайинлов Саудия футбол ассоциацияси томонидан тасдиқланмагунча бу ҳақда ўйлашни истамаслигини айтди.
34 ёшли Ал-Асмарий ҳакамлик фаолиятини 2018 йилда бошлаган. У бунгача 2019 йилда ташкил этилган Саудия Арабистони аёллар терма жамоасида бир қанча учрашувларни бошқарган.
Эслатиб ўтамиз, Қатарда бўлиб ўтдиган жаҳон чемпионатининг гуруҳ босқичи 3-туридан ўрин олган Германия ва Коста-Рика терма жамоалари ўртасидаги учрашувда (4:2) франциялик Стефани Фраппарт бошчилигидаги аёллар ҳакамлар бригадаси бошқарган эди.
Тавсия этамиз
Кўп ўқилганлар
- Дўстлик ва ҳамкорликни кенгайтирган форум (+фоторепортаж)
- Наманган – янгиланиш ва гўзаллик шаҳри
- Ўзбекистон ёки Миср. Қайси терма жамоа кучли?
- Янгиланаётган Марказий Осиё: бирлик, дўстлик ва ҳамкорликнинг янги босқичи
- Президент матбуот котиби Шерзод Асадов Европада хавфсизлик ва ҳамкорлик ташкилотининг ОАВ эркинлиги бўйича вакили Ян Брату билан учрашув ўтказди
- Тилда пайдо бўладиган ўзгаришлар саратон касаллигининг нозик аломати бўлиши мумкин
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг