Фарғонада савдо дўкони қуриш учун ер майдони ва рухсатнома олиб бериш эвазига пора сўраган шахс қўлга олинди
Фарғона вилоятида савдо дўкони қуриш учун ер майдони ва рухсатнома олиб беришни ваъда қилган шахс қўлга олинди. Бу ҳақда Бош прокуратура ҳузуридаги Департаментнинг Фарғона вилояти бошқармаси маълум қилди.
Қайд этилишича, Департаментнинг Фарғона вилояти бошқармаси ва ИИБ ходимлари ҳамкорлигида ўтказилган тезкор тадбир давомида фуқаро М.И. фуқаро Г.Я.нинг ишончига кирган. У аукцион савдолари орқали Фарғона шаҳрининг «Шодиёна» маҳалласи ҳудудидан савдо дўкони қуриш учун ер майдони олиб бериши ва танишлари орқали қурилишга рухсатнома тайёрлаб бериши мумкинлигини айтган.
Айни пайтда, М.И. бу хизматлар эвазига 2 700 АҚШ доллари талаб қилган ва пулни олган пайтда ашёвий далиллар билан қўлга олинган.
Ҳозирда ушбу ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари олиб борилмоқда. Мазкур ҳолат бўйича қонун доирасида тегишли чоралар кўрилиши маълум қилинди.
Тавсия этамиз
Кўп ўқилганлар
- Жаҳон олимлари нигоҳи яна Ўзбекистонга қаратилди
- Президент Ўзбекистон ўқитувчи ва мураббийларига табрик йўллади
- Ўзбекистонда долларнинг расмий курси ўзгарди
- Президент Исмоил Жўрабеков вафоти муносабати билан ҳамдардлик билдирди
- Ўзбекистон ва Туркманистон: барқарор ривожланиш йўлидан бораётган давлатлар
- Тадбиркорлар янгича ёндашувлар асосида қўллаб-қувватланади
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг