Fargʻonada savdo doʻkoni qurish uchun yer maydoni va ruxsatnoma olib berish evaziga pora soʻragan shaxs qoʻlga olindi
Fargʻona viloyatida savdo doʻkoni qurish uchun yer maydoni va ruxsatnoma olib berishni vaʼda qilgan shaxs qoʻlga olindi. Bu haqda Bosh prokuratura huzuridagi Departamentning Fargʻona viloyati boshqarmasi maʼlum qildi.
Qayd etilishicha, Departamentning Fargʻona viloyati boshqarmasi va IIB xodimlari hamkorligida oʻtkazilgan tezkor tadbir davomida fuqaro M.I. fuqaro G.Ya.ning ishonchiga kirgan. U auksion savdolari orqali Fargʻona shahrining “Shodiyona” mahallasi hududidan savdo doʻkoni qurish uchun yer maydoni olib berishi va tanishlari orqali qurilishga ruxsatnoma tayyorlab berishi mumkinligini aytgan.
Ayni paytda, M.I. bu xizmatlar evaziga 2 700 AQSH dollari talab qilgan va pulni olgan paytda ashyoviy dalillar bilan qoʻlga olingan.
Hozirda ushbu holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qoʻzgʻatilib, tergov harakatlari olib borilmoqda. Mazkur holat boʻyicha qonun doirasida tegishli choralar koʻrilishi maʼlum qilindi.
Tavsiya etamiz
Ko‘p o‘qilganlar
- Jahon olimlari nigohi yana Oʻzbekistonga qaratildi
- Prezident Oʻzbekiston oʻqituvchi va murabbiylariga tabrik yoʻlladi
- Oʻzbekistonda dollarning rasmiy kursi oʻzgardi
- Prezident Ismoil Joʻrabekov vafoti munosabati bilan hamdardlik bildirdi
- Oʻzbekiston va Turkmaniston: barqaror rivojlanish yoʻlidan borayotgan davlatlar
- Tadbirkorlar yangicha yondashuvlar asosida qoʻllab-quvvatlanadi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring