Архив сурат

Туркия президенти Режеп Таййип Эрдоған мамлакатдаги норозилик намойишлари фонида мухолифатни турк халқининг «асаблари билан ўйнамасликка» чақирди.

“Фуқароларимизнинг тинчлигини провокациялар билан бузишни бас қилишга бир неча бор чақирганман. Агар сизда жасорат бўлса, коррупция, ўғирлик, олинган пора, содир этилган қонунбузарликлар учун ҳисоб беринг. Агар ҳозирги терговда айбланиб, ҳибсга олинганларга кафолат берсангиз, очиқ айтинг ва сиз бизнинг полициямизга қарши бўлган менталитетни қабул қилдингиз”, — деди Туркия раҳбари вазирлар маҳкамаси йиғилишидан кейин халққа мурожаат қилиб.

Ўтган ҳафтадан бери Анқара, Истанбул, Измир ва бошқа бир қанча шаҳарларда ҳибсга олинган Истанбул ҳокими, мухолифатдаги Республика Халқ партияси аъзоси Акром Имомўғлини қўллаб-қувватловчи намойишлар давом этмоқда.

Туркия суди коррупцияда гумон қилинаётган Истанбул ҳокими Акром Имомўғлини ҳибсга олишга қарор қилди, деб хабар берди якшанба куни “Sözcü” телеканали. Бироқ иккинчи террор иши бўйича терговда ҳибсга олиш ҳақидаги сўров рад этилди, дея хабар бермоқда “Star” газетаси расмий манбаларга таяниб. Имомўғли билан бирга бир қатор юқори лавозимли амалдорлар ҳибсга олинган, жами 90 дан ортиқ киши суд ишида иштирок этмоқда. “Halk TV” телеканали хабарига кўра, Имомўғли уни ҳибсга олиш ҳақидаги суд қарори устидан шикоят қилиши мумкин. Истанбул Бош прокуратураси, ўз навбатида, суднинг террорчилик иши бўйича Имомўғлини ҳибсга олиш ҳақидаги сўровни рад этиш ҳақидаги қарори устидан шикоят қилмоқчи, деб ёзади “Sabah” газетаси. Фақат Конституциявий суд шубҳасиз якуний қарор қабул қилиши мумкин.