Дзюдо: Термиз шаҳри Ўзбекистон Кубогига мезбонлик қилади

12:47 25 Май 2022 Спорт
580 0

Жорий йилнинг 26 — 28 май кунлари Сурхондарё вилояти маркази Термиз шаҳрида дзюдо бўйича катталар ўртасидаги Ўзбекистон Кубоги бўлиб ўтади. 

«Сурхон Арена» спорт саройи мезбонлик қилувчи ушбу мусобақада Қорақалпоғистон Республикаси, барча вилоятлар ҳамда Тошкент шаҳридан дзюдочилар ғолиблик йўлида татамига чиқадилар.

Уч кун давом этадиган мамлакат кубогида айни пайтдаги ўз вазн тоифаларининг биринчи рақамли дзюдочилари иштирок этмайди.

Улар ҳозирда Самарқанд ва Тошкент вилоятида ўтказилаётган ўқув-машғулот йиғинларида Грузия ҳамда Хорватиядаги халқаро турнирларга тайёргарлик кўришяпти.

Бугун Ўзбекистон Кубогида дзюдочиларни рўйхатдан ўтказиш, бешта вазн тоифаси учун вазн ўлчаш ҳамда қуръа ташлаш маросимлари бўлиб ўтади. 

Эртага мусобақанинг биринчи куни эркаклар ўртасида -60, -66, аёлларда эса -48, -52 ва -57 кг. вазн тоифаларида ғолиб ҳамда совриндорлар номи маълум бўлади.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?

Кўп ўқилганлар

Янгиликлар тақвими

Кластер