Венгрия пойтахти Будапешт шаҳрида 45-Бутунжаҳон шахмат Олимпиадаси старт олди. Мусобақанинг 2-турида эркаклар терма жамоамиз Миср терма жамоасига қарши дона суради.

Қайд этиш керакки, Миср жамоаси биринчи турда Гана жамоасини 3,5:0,5 ҳисобида таслим этди. Қайд этиш керакки, Африка қитъаси жамоалари ичида энг «чақилмас ёнғоқ»лардан ҳисобланади.

Мусобақанинг 1-турида эркаклар терма жамоамиз Тринидад ва Тобагони 3,5:0,5 ҳисобида ғалаба қозонган эдик. Тан олиш керакки, биринчи турда жамоамиз ўзидан кучсиз жамоа билан жангда қийинчиликка дуч келди.

Айтиш керакки, океанорти мамлакатидан келган спортчилардан бири, Куинн Кабралис, Нодирбек Якуббоевни қийнаб қўйди. Бошқа доскаларда эса йигитларимиз ўз даражаларини кўрсата олди. Иккинчи турда Якуббоев заҳирада қолиши ҳам мумкин. Мисрга қарши жамоамиз таркиби қуйидагича бўлиши кутилмоқда:

Биринчи доска: Нодирбек Абдусатторов

Иккинчи доска: Жавоҳир Синдоров

Учинчи доска: Шамсиддин Воҳидов

Тўртинчи доска: Жаҳонгир Ваҳидов

Миср ҳақида нималарни биламиз? Африкаликлар турнирга 48-ўринда сараланган. Битта гройсмейстери бор ва у катта эҳтимол билан Абдусатторовга қарши дона сурса керак. Адхам Фаузининг ФИДЕ рейтинги 2507. Шунингдек, Карейм Вагейх, Хамед Вафа ва Самех Садек ҳам кучли шахматчилар ҳисобланади.

Маълумот учун айтиш керакки, Ўзбекистоннинг асосий рақиблари очко йўқотмади.