Фото: Миллий паралимпия қўмитаси

Пара сузиш бўйича Паралимпия ўйинлари рекордчиси, мотивацион тренер Алексей Талай Тошкентга келди.

Беларуслик машҳур пара атлет ташрифнинг илк кунида Ўзбекистон Миллий паралимпия қўмитаси ҳамда Республика Олимпия ва Паралимпия спорт турларига тайёрлаш марказида бўлди ҳамда пара спортчилар билан учрашди ва уларга яратилган шароитлар билан яқиндан танишди. Алексей Талайни Осиё Паралимпия қўмитаси вице-президенти — Ўзбекистон Миллий паралимпия қўмитаси раиси Мухторхон Тошхўжаев кутиб олди.

Шунингдек, Алексей Талай ташриф давомида Ўзбекистон Республикаси спортни ривожлантириш вазири Адҳам Икрамов, Ўзбекистон Миллий Олимпия қўмитаси бош котиби Ойбек Қосимов ҳамда Ўзбекистон дзюдо федерацияси раиси Азиз Комилов билан учрашди.

Таъкидлаш керакки, 16 ноябрь куни пойтахтимиздаги “Халқаро форумлар саройи”да Алексей Талай иштирокида мотивацион учрашув ўтказилиши режалаштирилган.