Фото: Reuters

АҚШнинг Демократик партияси вакиллари президент Жо Байден учун муваффақиятсиз дебатдан сўнг унинг номзодини алмаштириш масаласини муҳокама қила бошлаган. Бу ҳақда «Politico» нашри ўз манбаларига таяниб ёзмоқда.

«Демократлар президент Жо Байденнинг омадсиз чиқишидан сўнг шунчалик ваҳимага тушдики, баъзилар бир пайтлар сўзлаб бўлмайдиган нарсани — уни алмаштириш ҳақида фаол баҳслашмоқда», дейилади манбада.

Жо Байден ва Дональд Трамп ўртасидаги биринчи дебат жума куни кечқурун бўлиб ўтди.

CNN ўз манбаларига таяниб, Байденнинг нутқидан сўнг АҚШ Демократик партиясини ваҳима босиб олгани ҳақида хабар берди.

Манбанинг ёзишича, президентликка демократ номзодлардан бирининг маслаҳатчиси асосий донорлардан «фалокат ҳақида» бир неча хабар олганини таъкидлаган. Улар партия бу масалани қандайдир йўл билан ҳал қилиши кераклигини таъкидламоқда. Шу билан бирга, маслаҳатчи, агар Байденнинг ўзи сайловда қатнашишдан бош тортишга қарор қилмаса, нимадир қилиш мумкинлигини тан олди.

Учта потенциал номзодга яқин бўлган бошқа стратегларнинг айтишича, баҳс давомида улар матнли хабарлар билан «бомбардимон» қилинган. Улардан бири Байденга муқобил сифатида ўзи вакиллик қилаётган номзодни кўрсатиш бўйича сўровлар олганини таъкидлади. Бу сиёсатчининг исми тилга олинмаган.

«Politico» нашрига кўра, асосий донорлардан бири ва Байден тарафдори АҚШ президентининг сайловолди кампаниясини тугатиш вақти келганини айтди.

Номи ошкор этилмаган донор Байденнинг нутқини «энг ёмони» деб атади ва у шунчалик ёмон бўлганки, ҳатто Трампнинг ёлғонларига ҳеч ким эътибор бермаган.

«Байден сайловолди пойгасидан чиқиб кетиши керак. Бунда ҳеч қандай шубҳа йўқ», дейилади унинг SMS хабарида.

Шу йилнинг Август ойида Демократик партиянинг миллий қурултойи бўлиб ўтади. Унда Байден президентликка номзод сифатида кўрсатилади. Назарий жиҳатдан, сиёсий бирлашма йўналишини ўзгартириши ва бошқа шахсни таклиф қилиши мумкин.

Журналист Сеймур Хершнинг айтишича, амалдаги президент Трампга биринчи дебатда ютқазса, сайловолди пойгасида алмаштирилиши мумкин.

Ўз нутқи давомида Байден қоқилиб кетди, нотўғри гапирди ва охирида рафиқаси ёрдамисиз саҳнани тарк эта олмади.

АҚШда президентлик сайловлари 5 ноябрь куни бўлиб ўтади.