АҚШ Давлат департаменти Ўзбекистонда ўтказилган Президентлик сайлови бўйича баёнот берди
АҚШ Давлат департаменти матбуот котиби Нед Прайс баёнот бериб, унда Ўзбекистон Республикаси Президенти сайлови натижаларига изоҳ берди.
Хусусан, унинг сўзларига кўра, Қўшма Штатлар жорий йил 24 октабрда бўлиб ўтган президентлик сайловларида Ўзбекистон халқининг ўз хоҳиш-иродасини эркин ифода этиш ҳуқуқидан фойдаланганини қўллаб-қувватлайди.
AҚШ Давлат департаменти ЕХҲТ/ДИИҲБ Миссиясининг овоз бериш жараёни тинч муҳитда ўтди ва сайловчиларнинг юқори фаоллиги билан ажралиб турди, деган баҳоларига қўшилди.
Қўшма Штатлар Ўзбекистон ҳукумати ва ЕХҲТ/ДИИҲБ кузатувчи миссияси ўртасидаги ҳамкорлик яхшиланганини олқишлайди ва ЕХҲТ тавсияларининг сайловлар ҳамда фуқаролик ва сиёсий ҳуқуқларни илгари суриш бўйича келгусида амалга оширилишини интиқлик билан кутмоқда.
“Биз Ўзбекистон ҳукумати билан икки томонлама ва минтақавий аҳамиятга эга ушбу ва бошқа кўплаб масалалар бўйича ҳамкорликни давом эттириш тарафдоримиз”, – дейилади Давлат департаменти баёнотида.
Тавсия этамиз
Кўп ўқилганлар
- “Башакшеҳир” Туркиянинг гранд клуби билан дуранг ўйнади
- Саккизта гол урилган ўйинда “Барселона” ғалаба қозонди
- Ўзбекистон миллий терма жамоаси учун Жаҳон чемпионати қуръаси омадли ўтдими?
- Ўзбекистон терма жамоасининг Жаҳон чемпионатидаги ўйин саналари эълон қилинди
- АҚШ Европадан НАТО мажбуриятларининг асосий қисмини ўз зиммасига олишни талаб қилди
- Германияда ўқувчилар ҳарбий чақирувга қарши намойишга чиқди
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг