Андижонда юк машинаси уйни бузиб, ичкарига кириб кетди
Видеодан кадр
Андижон вилояти Асака туманида тормози ишламай қолган юк машинаси аҳоли хонадонларидан бирига бориб урилиб, деворни бузиб кириб кетди. Вилоят ЙҲХБ ҳолат юзасидан маълумот берди.
Қайд этилишича, ҳолат 8 апрель куни соат 13:10 ларда Асака тумани Янгисор маҳалласи ҳудудида содир бўлган. Иккинчи даражали йўлдан ҳаракатланиб келаётган «Зил ММЗ» русумли юк транспорт воситасининг тормоз тизимида техник носозлик келиб чиқиши оқибатида йўл бўйидаги яшаш хонадонга бориб урилган.
Ижтимоий тармоқларда тарқалган видеоларда кўринадики, юқори тезликда ҳаракатланаётган юк машинасининг «капот»и очилиб ҳайдовчининг кўриш масофасини бутунлай чеклаб қўйган. ЙТҲнинг асосий сабабларидан бири ҳам айнан шу ҳолат бўлиши мумкин.
Ушбу ҳодиса оқибатида юк машинаси ҳайдовчиси олган тан жароҳати билан туман шифохонасига ётқизилган. Бошқа фуқароларга зарар етмаган.
«Мазкур ҳолат юзасидан ҳозирда Асака тумани ички ишлар ходимлари томонидан суриштирув ишлари олиб борилмоқда», дейилади ЙҲХБ хабарида.
Тавсия этамиз
Кўп ўқилганлар
- Айрим оилаларга бир марталик моддий ёрдам берилади
- Ўзбекистонда доимий аҳоли сони ҳар куни неча кишига ошяпти?
- Шаҳрам Ғиёсов тажрибали рақибини муддатдан олдин мағлуб этди
- Самарқанд яна бир нуфузли форумга мезбонлик қилади
- Марказий банк шошилинч огоҳлантириш билан чиқди
- «Leapmotor» Ўзбекистонда ўтказилган автомобиль тести натижаларидан норозилигини билдирди
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг