Андижонда ЙПХ ходимига пора бераётган ҳайдовчи қўлга олинди

16:13 31 Октябр 2021 Жамият
1007 0

Андижон шаҳрида рақамсиз ва ҳеч қандай ҳужжатсиз «Nexia-3» русумли автомашинани ҳайдаб кетаётган ҳайдовчиси ЙПХ инспекторига 300 АҚШ доллари миқдорида масалани ҳал этиш талаби билан пора бермоқчи бўлган вақтида қўлга олинди.

Маълумотларга кўра, вилоят Йўл ҳаракати хавфсизлиги бошқармасининг 4-сафарбарлик гуруҳи инспектори давлат рақами йўқ автомобилни кўрикдан ўтказиш учун тўхтатган. Текширув давомида ҳайдовчининг ҳеч қандай ҳужжати йўқлиги, ён ойналарига рухсатсиз тонировка ўрнатилгани маълум бўлди. Машина вақтинча сақлаш учун тўхташ жойига жойлаштирилди.

Ҳайдовчи ҳеч иккиланмасдан инспекторларга 300 доллар пора таклиф қилишга қарор қилди.

Йўл-патруль хизмати инспектори ИИВ вилоят бошқармаси бошлиғи номига ариза ёзди. Ходимнинг баёнотига кўра, тезкор тадбир давомида ҳайдовчи порани инспекторга топшираётган вақтда қўлга олинган. Пуллар ҳакамлар ҳайъати иштирокида ашёвий далил сифатида берилган.

Мазкур ҳолат юзасидан фуқарога нисбатан 211-модданинг 1-қисми (пора бериш) билан жиноят иши қўзғатилган.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?