Андижон ИИБга янги раҳбар тайинланди
Фото: ИИВ
Ички ишлар вазирининг буйруғи билан полковник Санжар Бўронович Жабборов Андижон вилояти Ички ишлар бошқармаси бошлиғи этиб тайинланди. Бу ҳақда вазирлик матбуот хизмати хабар берди.
Қайд этилишича, ИИВ раҳбари иштирокида халқ депутатлари Андижон вилояти Кенгашининг навбатдан ташқари сессияси ташкил этилган. Унда вилоят ҳокими, Кенгаш аъзолари, жамоатчилик фаоллари ва ҳамкор ташкилотларнинг масъул ходимлари, шунингдек вилоятнинг ҳуқуқни муҳофаза қилувчи органлари раҳбарлари иштирок этган.
Сессияда ташкилий масала кўриб чиқилиб, Ички ишлар вазирининг буйруғига асосан, полковник Санжар Бўронович Жабборов Андижон вилояти Ички ишлар бошқармаси бошлиғи лавозимига тайинланган.
Санжар Жабборов 2022 йилнинг октябридан буён Сирдарё вилояти ИИБ бошлиғи бўлиб ишлаб келаётганди. Унгача эса Наманган вилояти ИИБ бошлиғининг биринчи ўринбосари лавозимида фаолият юритган.
Маълумот учун, Андижон вилоят ИИБнинг аввалги раҳбари Аюбхон Раҳматуллаев айни дамда ички ишлар вазирининг биринчи ўринбосари сифатида ишламоқда.
Тавсия этамиз
Кўп ўқилганлар
- Жаҳон олимлари нигоҳи яна Ўзбекистонга қаратилди
- Президент Ўзбекистон ўқитувчи ва мураббийларига табрик йўллади
- Ўзбекистонда долларнинг расмий курси ўзгарди
- Президент Исмоил Жўрабеков вафоти муносабати билан ҳамдардлик билдирди
- Ўзбекистон ва Туркманистон: барқарор ривожланиш йўлидан бораётган давлатлар
- Тадбиркорлар янгича ёндашувлар асосида қўллаб-қувватланади
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг