Фото: Архив сурат

2023 йил 1 январдан бошлаб республика туман ва шаҳарлари 5 та тоифага ажратилади ва тоифадан келиб чиқиб, тадбиркорлик субъектларига солиқ имтиёзлари, субсидиялар ва уларни қўллаб-қувватлашнинг бошқа чораларини қўллаш тартиби жорий этилди.

2023 йил 1 январдан бошлаб Тадбиркорлик фаолиятини қўллаб-қувватлаш давлат жамғармаси томонидан:

умумий белгиланган шартлар доирасида 4 ва 5-тоифадаги туманларда рўйхатдан ўтган ва шу ҳудудларда фаолият юритадиган кичик тадбиркорлик субъектларига:

— тижорат банкларнинг кредит ва лизинглари бўйича унинг асосий ставкадан ошган, бироқ марказий банк асосий ставкасининг 40 фоизидан кўп бўлмаган қисмини қоплаш учун компенсация тақдим этилади;

— тижорат банклари кредитларнинг 75 фоизигача, бироқ умумий қиймати 2,5 миллиард сўмдан ошмаган миқдорда кафиллик тақдим этилади;

кичик тадбиркорлик субъектларига таваккалчилик даражасидан келиб чиққан ҳолда, улар аввал олган кредитлари бўйича мазкур Жамғарма кафиллигидан фойдаланаётган бўлишидан қатъи назар қўшимча кредитлар бўйича белгиланган умумий миқдор ва шартлар доирасида кафилликлар тақдим этилади.

Шунингдек:

— аҳоли ва тадбиркорлик субъектларига субсидия ажратишнинг оширилган миқдорлари Фармонга 2-иловага мувофиқ;

— тадбиркорлик фаолиятини туман ва шаҳарларнинг тоифаларидан келиб чиқиб, қўллаб-қувватлаш чоралари Фармонга 3-иловага мувофиқ тасдиқланди.