Яна 39 нафар Ўзбекистон фуқароси АҚШдан депортация қилинди
Кеча, 7 сентябрь куни АҚШда ноқонуний бўлиб турган 39 нафар Ўзбекистон фуқароси депортация қилинди. Бу ҳақида Қўшма Штатларнинг Тошкентдаги элчихонаси хабар берди.
Маълум қилинишича, ушбу депортация амалиёти АҚШ ўз чегараларини мустаҳкамлаш бўйича олиб бораётган давомли ҳаракатлар тизими доирасида амалга оширилган.
«Қўшма Штатлар ноқонуний иммиграцияга чек қўйиш, давлат чегаралари ва фуқароларини ҳимоя қилишга қатъий киришган. АҚШга ноқонуний кириб келганлар қамалади ва депортация қилинади», — дейилади хабарда.
Шунингдек, АҚШнинг депортация жараёнларини амалга оширишда яқиндан ҳамкорлик қилаётгани учун Ўзбекистон ҳукуматига чуқур миннатдорлик билдирилган.
Эслатиб ўтамиз, жорий йилнинг апрель ойида Ню Йоркдан Тошкентга АҚШ депортация қилган 131 нафар Ўзбекистон, Қозоғистон ва Қирғизистон фуқаролари олиб келинган эди. Нью-Йоркдан Тошкентга парвоз 30 апрель куни «Uzbekistan Airways» авиакомпаниясининг «Boeing-787» самолётида ташкил этилган.
Тавсия этамиз
Кўп ўқилганлар
- АҚШ ва Британия Сурия муваққат президенти Ахмад аш-Шаръани «қора рўйхат»дан чиқарди
- G20 саммитининг Жанубий Африкада ўтказилиши шармандали ҳолат – Трамп
- «Олтин куз» II Халқаро камер ва симфоник мусиқа фестивали бўлиб ўтади
- Машинада хавфсизлик камарини тақиш мумкин бўлмаган касалликлар рўйхати тасдиқланади
- Ўзбекистон U-17 терма жамоаси Жаҳон чемпионатидаги иккинчи ўйинида мағлуб бўлди
- Ўзбекистон миллий терма жамоасининг халқаро мусобақа учун қайдномаси эълон қилинди
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг