Prezidentimizning “Otorinolaringologiya xizmatini takomillashtirish va uning koʻlamini kengaytirish chora-tadbirlari toʻgʻrisida”gi qarorida qayd etilganidek, 2024 yildan boshlab:

— Audioskrining natijasi boʻyicha aniqlangan zaif eshitadigan bolalarni koxlear implantatsiya amaliyotiga tayyorgarlik davrida Davlat byudjeti mablagʻlari hisobidan qoʻshimcha yiliga kamida 2 000 ta raqamli eshitish moslamalari bilan taʼminlash yoʻlga qoʻyiladi.

Bundan tashqari:

— Andijon davlat tibbiyot instituti klinikasining vaqtincha qisqartiriladigan oʻrin-joylari va shtat birliklari hisobidan Respublika shoshilinch tibbiy yordam ilmiy markazi va uning hududiy filiallari qabul-diagnostika boʻlimida tunu kun xizmat koʻrsatadigan qoʻshimcha otorinolaringolog va yuz-jagʻ jarrohi shtat birliklari kiritiladi.

Shuningdek:

— Sogʻliqni saqlash vazirligi tegishli vazirliklar bilan birgalikda otorinolaringologiya boʻyicha ambulator va statsionar sharoitda yordam koʻrsatuvchi davlat tibbiyot muassasalari uchun shtat normativlarini qayta koʻrib chiqish hamda kelgusida ehtiyojdan kelib chiqib ularga oʻzgartirishlar kiritib borishi belgilangan.