Butunjahon boks ittifoqi (WBC)ning dekabr oyi uchun yangilangan reytingini eʼlon qildi. Bu haqida Oʻzbekiston professional boks federatsiyasi xabar qildi.

Unga koʻra, mazkur reytingdan 6 nafar oʻzbekistonlik charm qoʻlqop ustasi oʻrin olgan. Xususan, Isroil Madrimov va Hasanboy Doʻsmatov oʻz vazn toifalarida 3-oʻrinni egallagan boʻlsa, Bektemir Meliqoʻziyev 9-pogʻonadan joy olgan.

Superogʻir vaznda jang olib borayotgan tajribali bokschimiz Bahodir Jalolov 10-oʻrinda qayd etilgan.

Yangilangan reytingda oʻzbek bokschilari quyidagi oʻrinlarda qayd etilgan:

• Superogʻir vazn: Bahodir Jalolov 10-oʻrin;
• Superoʻrta vazn toifasi (76,2 kg): Bektemir Meliqoʻziyev 9-oʻrin;
• Birinchi oʻrta vazn (69,8 kg): Isroil Madrimov 3-oʻrin;
• Yarimengil vazn (57,1 kg): Otabek Xolmatov 17-oʻrin;
• Yengil vazn (50,82 kg): Olimjon Nazarov 37-oʻrin;
• Birinchi oʻta yengil vazn (47,6 kg): Hasanboy Doʻsmatov 3-oʻrin.