WBA Shahram Gʻiyosovning chempionlik jangiga buyruq berdi
Butunjahon boks assotsiatsiyasi (WBA) oʻzbekistonlik bokschi Shahram Gʻiyosov ishtirokidagi chempionlik jangiga buyruq berdi. Bu haqda Oʻzbekiston professional boks federatsiyasi axborot xizmati maʼlum qildi.
Qayd etilishicha, WBA yarim oʻrta vazn toifasi chempioni Eymantas Stanionisning ushbu kamarga majburiy daʼvogar Shahram Gʻiyosovga qarshi jang oʻtkazishi kerakligini bildirgan. Endi bokschilarning jamoasi oʻzaro jang sanasi, manzili va shartlari boʻyicha kelishib olishi lozim.
Maʼlumot uchun, Gʻiyosov bugungacha 16 ta jang oʻtkazgan va barchasida gʻalaba qozongan. U soʻnggi jangida meksikalik Migel Parra (22-4-1)ni magʻlubiyatga uchratgan edi. Toʻliq 10 raund davom etgan jangda hakamlarning ikki nafari oʻzbekistonlik bokschi gʻalabasini, bir nafari Parraning gʻalaba qozonganini qayd etgandi.
Litvalik 30 yoshli bokschi professional boksda 15 ta jang oʻtkazib, barchasida gʻalaba qozongan. Janglarining 9 tasini muddatidan avval yakunlagan.
Tavsiya etamiz
Ko‘p o‘qilganlar
- Oʻzbekistonda doimiy aholi soni har kuni necha kishiga oshyapti?
- Shahram Gʻiyosov tajribali raqibini muddatdan oldin magʻlub etdi
- Yana bir bozor auksionga qoʻyildi
- Samarqand yana bir nufuzli forumga mezbonlik qiladi
- Markaziy bank shoshilinch ogohlantirish bilan chiqdi
- “Leapmotor” Oʻzbekistonda oʻtkazilgan avtomobil testi natijalaridan noroziligini bildirdi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring