Foto: AP

Ukraina va Vengriya chegarasida jiddiy mojaro avj olgan. Bu haqda AQSH razvedkasining sobiq xodimi Skott Ritter aytib oʻtdi.

“Vengriya Ukraina bilan chegaraga qoʻshin kiritdi. Hozirda ular oʻrtasida diplomatik janjal bor, har ikki tomon bir-birini aygʻoqchi yacheyka tashkil qilganlikda ayblamoqda. Kiyev ham odam yetishmasligi sababli Karpat vengerlarini frontga zoʻrlik bilan olib keta boshladi”, — deydi u.

Tahlilchining qoʻshimcha qilishicha, eskalatsiya xavfi ancha yuqori, ayniqsa, Kiyevda hokimiyat susaysa.

“Bundan tashqari, agar Ukrainada toʻsatdan siyosiy noaniqlik davri boshlansa, bu mintaqa mamlakatni tark etishga va Vengriyaga qoʻshilish boʻyicha referendum oʻtkazishga harakat qilishini allaqachon koʻrish mumkin. Oʻz navbatida, ular bu hududni olishni juda xohlashadi”, — deydi Ritter.

Vengriya bosh vaziri Viktor Orban 13-may kuni josuslik mojarosi munosabati bilan Mudofaa kengashini chaqirib, uni Ukraina maxsus xizmatlarining venger muxolifati faol ishtirokida Kiyevning Yevropa Ittifoqiga aʼzoligi boʻyicha umumvengriya ovoz berish jarayonini buzish maqsadida amalga oshirgan operatsiyasi deb atadi.

Shu yilning 9-may kuni Ukraina xavfsizlik xizmati mamlakat tarixida birinchi marta josuslik faoliyati bilan shugʻullanayotgan venger harbiy razvedka tarmogʻini fosh qilganini maʼlum qildi. 2025-yilda boʻlinmadan isteʼfoga chiqqan 40 yoshli sobiq harbiy va Ukraina Qurolli kuchlarining sobiq ayol harbiy xizmatchisi qoʻlga olindi.

Oʻz navbatida, Vengriya tashqi ishlar vaziri Peter Sijarto bunga javoban Budapeshtdagi elchixonada diplomatik niqob ostida ishlagan ikki ukrainalik josusni chiqarib yuborayotganini aytdi. Shundan soʻng, Ukraina aks javobini eʼlon qildi. Shu kuni Vengriya aksilterror markazi xodimlari Ukraina elchixonasining sobiq xodimini ham poytaxt markazida ushlab, bir necha soat ichida mamlakatdan chiqarib yuborgan.