Toshkent shahrida 2021-yil davomida koronavirusdan kasallanishlar soni boshqa hududlarga nisbatan oshgani, ayniqsa, coʻnggi 5 kunda poytaxtdagi kasallanish holatlari sezilarli oʻsgani munosabati bilan Toshkent shahrida koronavirus infeksiyasi yangi shtammlari keng tarqalishini oldini olish boʻyicha Toshkent shahar shtabining yigʻilishi boʻlib oʻtdi.

Unda poytaxtimizda kasallik tarqalishining oldini olishni koʻzda tutuvchi bir qator nazorat choralari koʻrilishi belgilandi.

Xususan, Toshkent shahridagi barcha qurilish obeʼktlarida, oʻsha yerning oʻzida vaqtincha yashab ishlayotgan quruvchi va ishchilarni sanitariya-epidemiologiya tartiblariga qatʼiy rioya etishi yuzasidan nazorat kuchaytiladi.

Shuningdek, transport xizmati sifatini oshirish, haydovchi va yoʻlovchilar sogʻligini himoya qilishni taʼminlash maqsadida yoʻnalishsiz taksilar uch tildagi (oʻzbek, rus, ingliz tillaridagi) “xavfsiz taksi” maxsus belgisi bilan bepul taʼminlash amaliyoti joriy qilinadi.

Bunda yoʻnalishsiz taksilarning quyidagi:

haydovchining niqobda boʻlishi;

kiyinish madaniyatiga rioya qilishi;

avtomobilda antiseptik vositalarning mavjudligi;

avtoulov salonining tozaligi va dezinfeksiyadan oʻtganligi kabi talablarga rioya etishlari hisobga olinadi: