“Toshkent — Andijon — Toshkent” yoʻnalishida harakatlanadigan poyezdlarning bitta reysi toʻxtatiladi

16:50 23 May 2022 Jamiyat
217 0

“Toshkent MTU” UKga qarashli “Aqcha-Obliq” temir yoʻl stansiyalari oraligʻi 101-kilometr 9-piketidagi koʻprikda taʼmirlash ishlari amalga oshirilishi munosabati bilan, joriy yil 27, 28-may kunlari “Toshkent — Andijon — Toshkent” yoʻnalishida harakatlanadigan yoʻlovchi poyezdlarning 1 ta reysi bekor qilinadi. Xususan:

— 2022-yil 27-may kuni “Toshkent — Andijon — Toshkent” yoʻnalishidagi 64/63-sonli;

— 28-may kuni “Toshkent — Andijon — Toshkent” yoʻnalishidagi 60/59 hamda 62/61-sonli yoʻlovchi poyezdlarining;

— 28-may kuni 6408-sonli “Toshkent — Angren” hamda 29-may kuni 6409-sonli “Angren — Toshkent” shaharlararo yoʻlovchi poyezdlarining 1 ta reysi bekor qilinadi.

Bundan tashqari, 27-may kuni “Buxoro — Andijon” yoʻnalishida harakatlanadigan 391-sonli yoʻlovchi poyezdi “Buxoro — Toshkent”, 28-may kuni esa “Andijon — Termez” yoʻnalishida qatnovchi 397-sonli yoʻlovchi poyezdi, “Toshkent — Termez” yoʻnalishida amaldagi jadval boʻyicha harakatini amalga oshiradi.

Ushbu poyezdlarga oldindan xarid qilingan chiptalar yoʻlovchilarga toʻliq qaytariladi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?