“Тошкент МТУ” УКга қарашли “Ақча-Облиқ” темир йўл станциялари оралиғи 101-километр 9-пикетидаги кўприкда таъмирлаш ишлари амалга оширилиши муносабати билан, жорий йил 27, 28 май кунлари “Тошкент — Андижон — Тошкент” йўналишида ҳаракатланадиган йўловчи поездларнинг 1 та рейси бекор қилинади. Хусусан:

— 2022 йил 27 май куни “Тошкент — Андижон — Тошкент” йўналишидаги 64/63-сонли;

— 28 май куни “Тошкент — Андижон — Тошкент” йўналишидаги 60/59 ҳамда 62/61-сонли йўловчи поездларининг;

— 28 май куни 6408-сонли “Тошкент — Ангрен” ҳамда 29 май куни 6409-сонли “Ангрен — Тошкент” шаҳарлараро йўловчи поездларининг 1 та рейси бекор қилинади.

Бундан ташқари, 27 май куни “Бухоро — Андижон” йўналишида ҳаракатланадиган 391-сонли йўловчи поезди “Бухоро — Тошкент”, 28 май куни эса “Андижон — Термез” йўналишида қатновчи 397-сонли йўловчи поезди, “Тошкент — Термез” йўналишида амалдаги жадвал бўйича ҳаракатини амалга оширади.

Ушбу поездларга олдиндан харид қилинган чипталар йўловчиларга тўлиқ қайтарилади.