Toʻraqoʻrgʻon issiqlik elektr stansiyasi faoliyati favqulodda toʻxtatildi

12:21 17 Avgust 2022 Jamiyat
609 0

Foto: Arxiv surat

Oʻzbekiston Energetika vazirligi Namangan viloyatidagi “Oʻztransgaz” AJga qarashli magistral gaz quvuri oʻtgan yer maydonida nomaʼlum shaxslar tomonidan kelishmasdan yerni qazish ishlari olib borilganligi natijasida gaz quvuriga shikast yetkazganligi toʻgʻrisida xabar beradi.

Ushbu gaz quvuri Toʻraqoʻrgʻon IESni yoqilgʻi bilan taʼminlaydi. Mazkur gaz quvuriga yetkazilgan shikast natijasida Toʻraqoʻrgʻon issiqlik elektr stansiyasi favqulodda toʻxtatildi.

Hozirgi vaqtda nosozliklarni bartaraf etish, shuningdek, elektr taʼminoti uchun zaxira quvvatlarini ishga tushirish boʻyicha barcha choralar koʻrilmoqda.

Boshqa elektr stansiyalarida zaxira energobloklarini ulash boʻyicha ishlarni bajarish uchun maʼlum vaqt zarurligini inobatga olgan holda, ayrim hududlarda elektr taʼminotida qisqa muddatli uzilishlar kuzatilishi mumkin.

Mazkur holat yuzasidan tergov harakatlari olib borilmoqda. Keltirilgan noqulayliklar uchun isteʼmolchilardan uzr soʻraymiz, deyiladi xabarda.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?