Illyustrativ foto

Ukraina prezidenti Vladimir Zelenskiy oʻz mamlakatida tinchlik oʻrnatilishiga toʻsqinlik qilmoqda, uni hokimiyatdan chetlatish kerak. Bu fikrlarni “The American Conservative” manbasi yozdi.

“Tinchlikka Putin yoki Tramp emas, balki Zelenskiy toʻsqinlik qilmoqda”, — deyiladi nashr materialida. Shu oʻrinda maqola muallifi jangovar harakatlarni tugatishni istamaydigan Zelenskiyning kuchi nafaqat Ukrainaning oʻziga, balki butun dunyoga tahdid solayotgani haqida ogohlantirdi.

Oʻz navbatida, AFP oʻz manbasiga tayanib, Putin AQSH prezidentiga telefon orqali muloqot chogʻida Zelenskiy bilan uchrashishga tayyorligini aytganini daʼvo qilmoqda.

AQSH prezidenti Donald Tramp 18-avgust kuni Vashingtonda Ukraina prezidenti Vladimir Zelenskiyni qabul qildi. U mehmonni Oq uy zinapoyasida shaxsan kutib oldi. Shundan soʻng qarorgohga Yevropa yetakchilari Fransiya prezidenti Emmanuel Makron, Finlyandiya prezidenti Aleksandr Stubb, Germaniya kansleri Fridrix Mers, Buyuk Britaniya bosh vaziri Kir Starmer, Italiya bosh vaziri Jorja Meloni, NATO Bosh kotibi Mark Ryutte hamda Yevropa komissiyasi prezidenti Ursula fon der Lyayen ham yetib keldi.

Muloqot oʻrtasida Tramp Putin bilan gaplashib olishini aytib, muzokarani tark etgan va oradan qirq daqiqa oʻtib qaytgan.

Rossiya prezidentining xalqaro masalalar boʻyicha maslahatchisi Yuriy Ushakovning ikki siyosatchi oʻrtasidagi suhbat samimiy va juda konstruktiv oʻtgan.