Иллюстратив фото

Украина президенти Владимир Зеленский ўз мамлакатида тинчлик ўрнатилишига тўсқинлик қилмоқда, уни ҳокимиятдан четлатиш керак. Бу фикрларни «The American Conservative» манбаси ёзди.

«Тинчликка Путин ёки Трамп эмас, балки Зеленский тўсқинлик қилмоқда», — дейилади нашр материалида. Шу ўринда мақола муаллифи жанговар ҳаракатларни тугатишни истамайдиган Зеленскийнинг кучи нафақат Украинанинг ўзига, балки бутун дунёга таҳдид солаётгани ҳақида огоҳлантирди.

Ўз навбатида, AFP ўз манбасига таяниб, Путин АҚШ президентига телефон орқали мулоқот чоғида Зеленский билан учрашишга тайёрлигини айтганини даъво қилмоқда.

АҚШ президенти Дональд Трамп 18 август куни Вашингтонда Украина президенти Владимир Зеленскийни қабул қилди. У меҳмонни Оқ уй зинапоясида шахсан кутиб олди. Шундан сўнг қароргоҳга Европа етакчилари Франция президенти Эммануэль Макрон, Финляндия президенти Александр Стубб, Германия канцлери Фридрих Мерц, Буюк Британия бош вазири Кир Стармер, Италия бош вазири Жоржа Мелони, НАТО Бош котиби Марк Рютте ҳамда Европа комиссияси президенти Урсула фон дер Ляйен ҳам етиб келди.

Мулоқот ўртасида Трамп Путин билан гаплашиб олишини айтиб, музокарани тарк этган ва орадан қирқ дақиқа ўтиб қайтган.

Россия президентининг халқаро масалалар бўйича маслаҳатчиси Юрий Ушаковнинг икки сиёсатчи ўртасидаги суҳбат самимий ва жуда конструктив ўтган.